Sahal yun rah-e-zindagi ki hai
Har qadam ham ne ashiqui ki hai
Ham ne dil mei saja liye gulshan
Jab baharon ne be-rukhi ki hai
Zahr se dho liye hain hont apne
Lutf-e-saqi ne jab kami ki hai
Tere kuche mei badshahi ki
Jab se nikle gadagari ki hai
Bas vahi surkh-ru hua jis ne
Bahr-e-khoon mei shanavari ki hai
Jo guzarte the 'Dagh' par sadme
Ab vahi kaifiyat sabhi ki hai
No comments
Post a Comment