Nahin nigah mei manzil jo justuju hi sahi
Nahin visal mayassar to aarzu hi sahi
Na tan mei khoon faraham na ashk ankhon mei
Namaz-e-shauq to vajib hai be-vazu hi sahi
Kisi tarah to jame bazm mai-kade vaalo
Nahin jo bada-o-saghar to hav-hu hi sahi
Gar intizar kathin hai to jab talak ai dil
Kisi ke vada-e-farda ki guftugu hi sahi
Dayar-e-ghair mei mahram agar nahin koi
To 'Faiz' zikr-e-vatan apne ru-ba-ru hi sahi
No comments
Post a Comment