Khoon thukegi zindagi kab tak
Yaad aaegi ab teri kab tak
Jaane valon se puchhna ye saba
Rahe abad dil-gali kab tak
Ho kabhi to sharab-e-vasl nasib
Piye Jaun main khoon hi kab tak
Dil ne jo umr-bhar kamai hai
Vo dukhan dil se jaegi kab tak
Jis mei tha soz-e-arzu us ka
Shab-e-gham vo hava chali kab tak
Bani-adam ki zindagi hai azaab
Ye khuda ko rulaegi kab tak
Hadisa zindagi hai aadam ki
Saath degi bhala khushi kab tak
Hai jahannum jo yaad ab us ki
Vo bahisht-e-vajud thi kab tak
Vo saba us ke bin jo aai thi
Vo oose puchhti rah kab tak
Meer-'Jauni' zara bataen to
Khud mei thahrenge aap hi kab tak
Hal-e-sahn-e-vajud thahrega
Tera hamgam-e-rukhsati kab tak
No comments
Post a Comment