Jamegi kaise bisat-e-yaron ki shisha o jaam bujh gae hain
Sajegi kaise shab-e-nigaran ki dil sar-e-sham bujh gae hain
Vo tirgi hai rah-e-butan mei charagh-e-rukh hai na sham-e-vada
Kiran koi aarzu ki laao ki sab dar-o-bam bujh gae hain
Bohot sambhala vafa ka paiman magar vo barsi hai ab ke barkha
Har ek iqrar mit gaya hai tamam paigham bujh gae hain
Qarib aai mah-e-shab-e-gham nazar pe khulta nahin kuchh is dam
Ki dil pe kis kis ka naqsh baaqi hai kaun se naam bujh gae hain
Bahar ab aa ke kya karegi ki jin se tha jashn-e-rang-o-naghma
Vo gul sar-e-shakh jal gae hain vo dil tah-e-dam bujh gae hain
No comments
Post a Comment