Inqalab ek khvab hai so hai
Dil ki duniya kharab hai so hai
Rahiyo to yunhi mahv-e-araish
Bahar ik iztirab hai so hai
Tar hai dasht us ke aks-e-manzar se
Aur khud vo sarab hai so hai
Jo hai dasht-e-talab ka hai pas-e-ru
Vahi zarrin-rikab hai so hai
Shaikh sahab liye phiren tegha
Barahman fath-yab hai sau hai
Dahr ashob hai savalon ka
Aur khuda la-javab hai so hai
Is shab-e-tera-e-hamesha mei
Roshni ek khvab hai so hai
No comments
Post a Comment