Ik zakhm bhi yaran-e-bismil nahin aane ka
Maqtal mei pade rahiye qatil nahin aane ka
Ab kuchh karo yaaro sahra se ki sunte hain
Sahra mei ab aainda mahmil nahin aane ka
Vaaiz ko kharabe mei ik davat-e-haq di thi
Main jaan raha tha vo jahil nahin aane ka
Buniyad-e-jahan pahle jo thi vahi ab bhi hai
Yun hashr to yaran-e-yak-dil nahin aane ka
But hai ki khuda hai vo maana hai na manunga
Us shokh se jab tak main khud mil nahin aane ka
Gar dil ki ye saman-e-mahfil nahin aane ka
Bahar se to saman-e-mahfil nahin aane ka
Vo naaf pyale se sarmast kare varna
Ho ke main kabhi us ka qaail nahin aane ka
No comments
Post a Comment