Har dhadkan haijani thi har khamoshi tufani thi
Phir bhi mohabbat sirf musalsal milne ki asani thi
Jis din us se baat hui thi us din bhi be-kaif tha main
Jis din us ka khat aaya hai us din bhi virani thi
Jab us ne mujh se ye kaha tha ishq rifaqat hi to nahin
Tab main ne har shakhs ki surat mushkil se pahchani thi
Jis din vo milne aai hai us din ki rudad ye hai
Us ka blouse niranji tha us ki saari dhani thi
Uljhan si hone lagti thi mujh ko aksar aur vo yun
Mera mizaj-e-ishq tha shahri us ki vafa dahqani thi
Ab to us ke baare mei tum jo chaho vo kah daalo
Vo angdai mere kamre tak to badi ruhani thi
Naam pe ham qurban the us ke lekin phir ye taur hua
Us ko dekh ke ruk jaan bhi sab se badi qurbani thi
Mujh se bichhad kar bhi vo ladki kitni khush rahti hai
Us ladki ne mujh se bichhad kar mar aane ti thani thi
Ishq ki halat kuchh bhi nahin thi baat badhane ka fan tha
Lamhe la-fani thahre the qatron ki tughyani thi
Jis ko khud main ne bhi apni ruuh ka irfan samjha tha
Vo to shayad mere pyase honton ki shaitani thi
Tha darbar-e-kalan bhi us ka naubat-khana us ka tha
Thi mere dil ki jo raani amrohe ki raani thi
No comments
Post a Comment