HAVAS KO HAI NASHAT-E-KAR KYA KYA

Havas ko hai nashat-e-kar kya kya

Na ho marna jo jeene ka maza kya

Tajahul-peshgi se muddaa kya

Kahan tak ai sarapa naaz kya kya

Navazish-ha-e-beja dekhta hun

Shikayat-ha-e-rangin ka gila kya

Nigah-e-be-mahaba chahta hun

Taghaful-ha-e-tamkin-azma kya

Farogh-e-shola-e-khas yak nafas hai

Havas ko pas-e-namus-e-vafa kya

Nafas mauj-e-muhit-e-be-khudi hai

Taghaful-ha-e-saqi ka gila kya

Dimagh-e-itr-e-pairahan nahin hai

Gham-e-avargi-ha-e-saba kya

Dil-e-har-qatra hai saz-e-anal-bahal

Ham us ke hain hamara puchhna kya

Muhaba kya hai main zamin idhar dekh

Shahidan-e-nigah ka khoon-baha kya

Sun ai gharat-gar-e-jins-e-vafa sun

Shikast-e-qeemat-e-dil ki sada kya

Kiya kis ne jigar-dari ka daava

Shakeb-e-khatir-e-ashiq bhala kya

Ye qatil vada-e-sabr-azma kyun

Ye kafir fitna-e-taqat-ruba kya

Bala-e-jan hai 'Ghalib' us ki har baat

Ibarat kya isharat kya ada kya