Chand nikle kisi janib teri zebai ka
Rang badle kisi surat shab-e-tanhai ka
Daulat-e-lab se phir ai khusrav-e-shirin-dahanan
Aaj arzan ho koi harf shanasai ka
Garmi-e-rashk se har anjuman-e-gul-badanan
Tazkira chhede teri pairahan-araai ka
Sehn-e-gulshan mei kabhi aai shah-e-shamshaad-qadan
Phir nazar aae saliqa teri raanaai ka
Ek baar aur masiha-e-dil-e-dil-zadagan
Koi vaada koi iqrar masihai ka
Deeda o dil ko sambhalo ki sar-e-sham-e-firaq
Saz-o-saman baham pahuncha hai rusvai ka
