Be-dard huwe bimar dawa kyun nahin dete
Tum achchhe masiha ho shifa kyun nahin dete
Dard-e-shab-e-hijran ki jaza kyun nahin dete
Khoon-e-dil-e-vahshi ka sila kyun nahin dete
Mit jaegi makhluq to insaf karoge
Munsif ho to ab hashr utha kyun nahin dete
Haan nukta-varo laao lab o dil ki gavahi
Haan naghmagaro saz-e-sada kyun nahin dete
Paiman-e-junun hathon ko sharmaega kab tak
Dil vaalo gareban ka pata kyun nahin dete
Barbadi-e-dil jabr nahin 'Faiz' kisi ka
Wo dushman-e-jaan hai to bhula kyun nahin dete
