Avegi meri qabr se awaaz mere baad
ubhrene ishq-e-dil se tere raaz mere baad
Jeen mera to tujh ko ghanimat hai na-samajh
Khinga kaun phir ye tere naaz mere baad
Sham-e-mazar aur ye soz-e-jigar mera
Har shab karenge zindagi na-saz mere baad
Hasrat hai is ke dekhne ki dil mei be-qayas
Aghlab ki meri ankhen rahe baaz mere baad
Karta hun mae jo naale sar-anjaam baagh mei
Muh dekho phir karenge ham awaaz mere baad
Bin gul mua hi mae to pa tu ja ke lautiyo
Sehn-e-chaman mei ai par-e-parvaz mere baad
Baitha hun 'Meer' marne ko apne mei mustaaid
Paida na honge mujh se bhi janbaz mere baad
No comments
Post a Comment