Aa ke meri jaan ko qaraar nahi hai
Taqat-e-badad-e-intezaar nahi hai
Dete hain jannat hayat-e-dahr ke badle
Nasha ba-andaza-e-khumaar nahi hai
Girya nikale hai teri bazm se mujh ko
Haae ke rone pe ikhtiyaar nahi hai
Ham se abas hai gumoon-e-ranjish-e-khaatir
Khaak mei ushshaq ki ghubaar nahi hai
Dil se utha lutf-e-jalva-ha-e-maani
Ghaer-e-gul aaina-e-bahaar nahi hai
Qatl ka mere kiya hai ahd to baare
Wae agar ahd ustuvaar nahi hai
Tu ne qasam mae-kashi ki khaai hai 'Ghalib'
Teri qasam ka kuch eitbaar nahi hai
