Ham tera hijr manane ke liye nikle hain
Shahr mei aal lagane ke liye nikle hain
Shahr kuchon mei karo hashr bapa aaj ki ham
Us ke vaadon ko bhulane ke liye nikle hain
Ham se jo ruth gaya hai vo bohot hai maasum
Ham to auron ko manane ke liye nikle hain
Shahr mei shor hai vo yun ki guman ke safari
Apne hi aap mei aane ke liye nikle hain
Vo jo the shahr-e-tahayyur tere pur-fan meamar
Vahi pur-fan tujhe dhane ke liye nikle hain
Rahguzar mei teri qalin bichhane vaale
Dair-o-kaaba ko ladane ke liye nikle hain
Sar-e-shab ik nai tamsil bapa honi hai
Aur ham parda uthane ke liye nikle hain
Hamen sairab nai nasl ko karna hai so ham
Khoon mei apne nahane ke liye nikle hain
Ham kahin ke bhi nahin par ye hai rudad apni
Ham kahin se bhi na jaane ke liye nikle hain
No comments
Post a Comment