Ab haal apna us ke hai dil-khvah
Kya puchhte ko alhamdulillah
Mar jao koi parva nahin hai
Kitna hai maghrur allah allah
Pir-e-mughan se be-etiqadi
Astaghfirullah astaghfirullah
Kahte hain us ke tu muh lagega
Ho yun hi yarab jun hai ye afvah
Hazrat se us ki jaana kahan hai
Ab mar rahega yahan banda dargah
Sab aql khoe hai raah-e-mohabbat
Ho khizr dil mei kaisa hi gumrah
Mujrim huwe ham dil de ke warna
Kis ko kaso se hoti nahin chaah
Kya kya na rijhen tum ne pachhain
Achcha rijhaya ai mehrban aah
Guzre hai dekhen kyukar hamari
Us bewafa se ne rasm ne raah
Thi khwahish-e-dil rakhna hamaail
Gardan mei us ki har gah-o-be-gah
Us par ki tha wo shah-e-rag se aqrab
Hargiz na pahuncha ye dast-e-kotah
Hai ma-siva kya jo 'Meer' kahiye
Agah saare us se hain agah
Jalve hain us ke shanen hain us ki
Kya roz kya khor kya raat kya maah
Zahir ki batin awwal ki aakhir
Allah Allah Allah Allah
No comments
Post a Comment